Amma á Hóli, sem hefði orðið hundrað ára á árinu, hefur verið að minna á sig í druamum hjá mér. - vaknaði í annað skipti á skömmum tíma með orðin 'draugar eru kallar með blýrassgat' hringlandi um í höfðinu. Hún var alveg sér á báti. Verður múmú ekki að gera eitthvað til að halda upp á ammælið hennar?

ah, fyrst Þóra og Þórana líta við og við hérna inn þá verð ég nú að halda smá dampi. Hér eru því nokkrar bestu plötur seinasta árs í engri sérstakri röð:

Tom Waits - Orphans ~ Þriggja diska orgía fyrir Waitsaðdáendur. Ef hann kemur ekki til landsins bráðum og heldur tónleika neyðist ég til að fá hann til að spila í afmælinu mínu.

Will Oldham - The Letting Go ~ Hann er svo fínn að hann er jafn góður og Ease Down the Road og Master and Everyone. Síðan er Eiríkur á trompeti sem gerir hann offisíallí að svalasta litla bróður vina minna.

Yo La Tengo - I am not afraid of you and I will beat your ass ~ Næstum jafn góður og I can hear the heart beating as one. Og þessi titill.

Joanna Newsom - Ys ~ Hún flutti þetta allt á tónleikunum í sumar og vá hvað þeir voru góðir. Veit ekki hvort ég fíla þetta tónleikanna vegna. Svakalega fer 1944 auglýsingin samt í taugarnar á mér. Hver gefur leyfir til að nota lagið hennar?

The Knife - Silent Shout ~ Solid Svía elektróník. Tilla og dilla. Langar geeeðveikt í svona karabíska stáltrommu.

El Perro del Mar - Look! It's El Perro Del Mar! ~ Góóóóó Svíþjóð. Svíi sem hefur áttað sig á að það er bara einn stafur sem skilur að sænsku og spænsku. Platan kom reyndar út 2005 en var endurútgefin án titils utan skandinavíu í fyrra. Ég fyllist trega og táplausu fjöri þegar ég set hana á fóninn.

Ali Farka Toure - Savane ~ kallinn dó í fyrra en skildi eftir sig þennan fína disk. Veit ekki hvort hlustendur þurfi að snobba fyrir plötum á erlensku til að geta fílað hann.

Belle and Sebastian - The Life Pursuit ~ náði aðeins að ofspila hann fyrir og eftir tónleikana en hann er aftur að komast í gagnið.

CSS - Cansei de ser sexy ~ Let's Make Love and Listen to Death From Above er lagið sem selur þetta band og hitt er fínnt. Brýtur líka dáldið upp listann.
__________________________________________________________________

Og íslenskt:

Skakkamanage - Lab of Love ~ krúttelíkrútt.

Hildur - Lost in Hildurness ~ skemmtilegar pælingar og svona. Svolítið einfaldur og fallegur.

Skúli - Sería - skemmtilegar pælingar og svona. Svolítið Blonde Redhead. Sumt fallegt.

Benni Hemm Hemm - Kajak ~ hei bíddu nú við. Þetta er allt fólk í sama vinahópnum! hver andskotinn, sýnist líka Eiki spila á þeim öllum. Þetta er eitthvað svindl.

Hætti þessu, þetta er bara farið út í eitthvað rugl.

Árið löngu byrjað. Kennslan byrjuð og ég ekki búin að fara yfir próf seinasta misseris. Djö...

Árið 2006 var fínnt. Béin stóðu ef til vill mest uppúr: Brullaup, bless Baldó, blessaður Bugðó, Barselóna, Búðir og BSvíþjóð.

ætti líklega að gera svona árslista yfir bestu og verstu bíóferðir, bækur og tónlist ársins. Get byrjað á bíóferðunum:

Besta bíómyndin sem ég fór á í bíó 2006: x-men III
Versta bíómyndin sem ég fór á í bíó 2006: x-men III

Niðurstaða: þarf að fara meira í bíó og velja betri myndir.

Næst: besta tónlist ársins!