Jæja, þá er bara að fara safna...

Sit yfir í prófi

Veit að ein spurningini - sú seinasta er svínslega erfið.
Bíð eftir sprengingunni, þegar nemendurnir fara að svitna og roðna, setja hendi á loft og reyna að fiska eitthvað af svarinu eða segja með grátstafi í kverkunum að ég sé ekki sanngjarn. Ég veit ekki hvað varð um litla sadistann sem bjó í sálartetrinu hjá mér en mig hlakkar ekkert til að geta glott og sagt að þau hefðu átt að læra betur.

Langar til að sitja í sófanum heima með þetta ómandi í bakgrunninum, gott kaffi í kallaogdíönu bolla og skemmtilega bók.

Ég einfaldaði líf mitt um þrjár möppur.

Guð blessi gatara, heftara og plastmöppur.

Vildi innilega að þetta virkaði á fleiri fleti lífs míns.

Ég ku vera kennari yfir meðallagi en ekki mikið meira en það. Mikið langar mig til að hitta meðalkennarann.

Árið sem leið er svo langt í burtu að það er full seint að gera það upp -

Vill þó nefna eitthvað.

Koma kanski með svosem eins og tvö áramótaheit.

hmmm...

geymi það þar til ég er betur stemmdur.