Hitti skemmtilegt og áhugavert fólk í gær, hin kvíbesku Philippe og Paule. Fyrirlestur sem ég hélt á vegum Nikk-sins fyrir 3 árum síðan virðist verða til þess að einhverjir sem láta sig varð karla í hjúkrun hafa samband við mig við og við. Philippe er einmitt í karlafræðum í Kvíbekk að stúdera karla, karlmennsku, þunglyndi og sjálfsvíg. Hann hafði þannig rekist á fyrirlesturinn minn og ákvað að slá á þráðinn fyrst hann var á leiðinni hingað í frí. Það var mjög áhugavert að heyra af rannsókninni hans og alveg eðal að rölta með þeim um miðbæinn og háskólasvæðið í góða veðrinu í gær. Ætti múmú kanski að skella sér í doktorinn í Kvíbekk? Ég kann allavegana að segja Pourquoi pas? eftir heimsókn risessunnar í vor.


---------------------------------------------
Til hamingju með daginn!