Þetta var falleg sena, svona eins og kveðjusena í s/h mynd þar sem söguhetjurnar kveðjast á fluvellinum og Ingrid Bergman spyr harmþrungri röddu og tár í auga hvort þau eigi einhverntíma eftir að hittast aftur og Bógart segir bara eitthvað sefandi og sænar át með Here's looking at you kid. Í þessu tilviki var ég Ingrid að spyrja Ollu hvort bloggið væri ekki búið og hún Bógartaði og sagði mér að við yrðum að gera þetta fyrir krakkana í útlöndum.

Þannig að ...

Aldrei þessu vant hafa veikindi sett allt á annan endann á heimilinu og því ekkert bloggað frekar en fyrri daginn. Bíllinn dó í gær (í fyrsta sinn sem þessi deyr) og ég fékk risastórt gat á nýjustu buxurnar mínar. Dúi svaf ekki vært heldur orgaði aðeins og lét klappa sér í svefn á hálftíma fresti.

Ég er samt ekki frá því að það sé að fara að vora.