Björk vinkona er búin að vera erlendis í námi núna seinasta árið. Þegar sýnd var íslensk mynd í bíóinu í bænum greip hún tækifærið og fékk nýja gríska vin sinn til að koma með sér. Björk seldi honum hugmyndina um bíóferð með því að segja að þetta væri "crazy comedy from Iceland about this albino guy" - og hún meinti þetta alveg frá hjartarótum þar sem henni fannst endilega eins og að fólk hefði verið að tala um að Nói albínói væri gamanmynd.

Alla myndina sátu þau og biðu eftir að myndin færi að líkjast þessari geðveiku grínmynd sem Björk hafði lofað.

Nikos hinn gríski sagði víst eftir að ljósin hefðu verið kveikt að Íslendingar hefðu eitthvað brenglaðan húmor.