Fékk boðsmiða á Patti Smith frá Hildi í gærkvöld og brunaði soldið seinn til að sjá frúnna. Svoldið spes stemmning í salnum. Patti var flott og ég er sáttur að hafa séð hana. Áhorfendur í salnum soldið undarlegir. Nokkrir of fullir til að geta hagað sér á skikkanlegan máta, kallandi einhverja vitleysu sí og æ. Merkilegast fannst mér þó karlmaðurinn sem fannst hann þurfa að kommenta þegar Patti kynnti nýtt lag sem væri samið sem viðbrögð við það að sjá myndir af börnunum sem dóu í sprengjuárás Ísraelsmanna á Quana (þar sem Ésú breytti vatni í vín (uppáhalds kraftaverkið mitt)). Hún bætti því við að lagið væri í þeirra minningu og þá kallaði karlinn uppá amerísku "And for the children of Israel too!" Patti hváði þannig að karlinn "you have to sing for the dead children of Israel too". Patti svaraði eitthvað á þá leið að ef honum þætti bráðnauðsynlegt að minnst væri á hluttekningu þeirra þá væri hann að misskilja inntakið í laginu. Hún byrjar að syngja og ég gat ekki séð betur en að karlinn og vinur hans hafi rukið út í fússi. Ég byrjaði á því að vera soldið meðvirkur og finnast þetta allt hið vandræðalegasta og pældi í því hvernig hægt hefði verið að halda öllum góðum en komst fljótlega yfir það. Við hverju býst tónleikagestur hjá Patti Smith við? Að hún sé ekki með róttæk, vinstrisinnuð og feminísk innslög? Allavegana má finna textann og fleira á síðunni hér.