Einmitt þegar ég var búinn að gleyma að ammælisdagurinn væri á næsta leiti fara boðin í ammæli félaganna að rúlla inn. Í stað þess að fá kvíðakast yfir að rúlla á næsta tug þá ætla ég að taka öllum þeim breytingum sem þessu fylgja með fögnuði. Merkilegt hvað þessar breytingar tengjast margar hárvexti. Þannig fagna ég hárlínunni sem er að finna sér samastað aftar á kollvikunum, ég fagna nýju hárunum sem eru að búa til nýja hárlínu fyrir ofan rassinn á mér, uppá miðju baki, ég fagna gráu hárunum á bringunni og í skeggrótinni. En ég hef ýmislegt annað að fagna annað en hártengdum hlutum; ég fagna gömlukallalyktinni sem ég finn af sjálfum mér á morgnanna og eymslunum í liðunum. Ég gæti fagnað heyrnaleysinu sem hefur hrjáð mig seinustu daga en ég held að það sé bara tímabundið og hafi lítið með aldurinn að gera.

Myndband og lag sem ég er skotinn í: