Ég er búinn að sjá ljósið. Ég ætla hér eftir bara að elska tvennt; mig og Minn Rass - aðrir geta étið það sem úti frýs. Síðan er ég búinn að ákveða að allir sem eru ósammála mér séu kommar og þar af leiðandi ekki dómbærir á nein mál. Þá er ég kominn á þá skoðun að leggja eigi niður ríkisvaldið og helst öll lög og reglur þannig að fólk sé ekki að skipta sér að því hvað ég sé að gera á meðan ég er að hugsa um Minn Rass. Til að mynda þá þoli ég ekki umferðarljós. Umferðarljós eru bara til trafala. Ég er svo oft á rauðu ljósi að stundum finnst mér ég vera meira stopp en á ferð þegar ég er í bílnum. Ef við slepptum þessum umferðarljósum þá gæti bara hver einstaklingur tekið þá áhættu sem hann er tilbúinn til að taka til að komast á leiðarenda. Ef fólk treystir sér síðan ekki til að keyra eins og ég og Minn Rass þá getur það bara hangið heima hjá sér.

Kanski ekki.